У жніўні 2015 года спажывецкія цэны на тавары і паслугі ў Беларусі выраслі ў параўнанні з ліпенем на 0,2%, са снежнем 2014 года — на 7,8%, паведамляе прэс-служба Нацыянальнага статыстычнага камітэта.
Цэны на харчовыя тавары за месяц знізіліся на 0,8%.
Найбольш істотна падаражэлі: кандытарскія вырабы — на 2,2%, алей (акрамя аліўкавага) — на 1,9%, крупы і бабовыя — на 1,3%, мяса і птушка — на 1%, сыры — на 0,8%, рыба і морапрадукты, чай, мука пшанічная, хлеб — на 0,6%, напоі алкагольныя, макаронныя вырабы — на 0,5%.
Знізіліся цэны на бульбу — на 31,3%, агародніну — на 28,3%, фрукты — на 6,6%, яйкі — на 1,1%, масла сметанковае — на 0,8%.
Цэны на нехарчовыя тавары ў жніўні ў параўнанні з ліпенем павялічыліся на 1%, з пачатку года — на 8,6%. Больш за ўсё падаражэлі пісьмовыя прылады — на 2,3%, сінтэтычныя мыйныя сродкі — на 1,6%, медыкаменты — на 1,5%, бытавыя электрапрыборы —- на 1,4%, тканіны — на 1%.
Зніжэння цэн на нехарчовыя тавары ў жніўні не зафіксавана.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА2
Каментары