Дэманстранты ў Кішынёве абвясцілі, што маюць намер зладзіць у нядзелю новую масавую акцыю пратэсту супраць карупцыі.
На мінулым тыдні дзясяткі тысяч чалавек сабраліся ў цэнтры сталіцы Малдовы, патрабуючы адстаўкі прэзідэнта і правядзення датэрміновых парламенцкіх выбараў не пазней за сакавік 2016 года.
Удзельнікі пратэсту ўсталявалі сотні намётаў на цэнтральнай плошчы і заявілі, што не пакінуць яе, пакуль не будуць пакараныя вінаватыя ў знікненні аднаго мільярда даляраў з банкаў краіны.
Прэм'ер-міністр Малдовы Валерый Стралец сказаў у адказ на патрабаванні пратэстоўцаў, што ўлады Малдовы адкрытыя для дыялогу з актывістамі.
Рух «Годнасць і справядлівасць», па прызыву якога пачаліся дэманстрацыі ў Кішынёве, у маі ўжо праводзіла акцыю пратэсту супраць карупцыі.
Тады на мітынгу сабралася каля 10 тысяч чалавек.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары