Грамадская рада пры Міністэрстве ўнутраных спраў пачала працу ў новым складзе. Дарадчы орган уключае ў сябе 20 чалавек на чале са старшынёй Белтэлерадыёкампаніі Генадзем Давыдзькам.
У складзе рады прадстаўнікі розных арганізацый і сфер. Напрыклад, спявачка Ірына Дарафеева, рэдактар «Савецкай Беларусіі» Павел Якубовіч, хірург Алег Румо.
У параўнанні з папярэднім «скліканнем» у радзе з'явіліся некалькі новых асобаў. Гэта віцэ-спікер савета рэспублікі Анатоль Русецкі, дырэктар Нацыянальнай бібліятэкі Раман Матульскі, дырэктар музея гісторыі Вялікай Айчыннай вайны Мікалай Скобелеў, дэпутат Генадзь Пальчык, рэжысёр Андрэй Голубеў. А таксама старшыня Сінадальнага аддзела БПЦ па ўзаемадзеянні з Узброенымі Сіламі і іншымі вайсковымі фарміраваннямі Беларусі протаіерэй Сяргей Кузьмянкоў, які фактычна заняў месца пратаіерэя Фёдара Поўнага.
Склад рады таксама пакінулі гімнастка Марына Лобач, дырэктары «Нафтана» і «Беларуськалія» і іншыя асобы.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх3
Каментары