Прэзідэнцкія выбары ў Беларусі пройдуць на высокім узроўні. Такое меркаванне выказаў сёння прэзідэнт Расіі Уладзімір Пуцін на сустрэчы з беларускім калегам Аляксандрам Лукашэнкам.
«Мы ведаем аб праблемах, звязаных з эканамічнымі пытаннямі ў свеце і ў нашых краінах», — сказаў Пуцін. «Мы ведаем, што адбываецца, ведаем, што трэба рабіць», — адзначыў ён. «Не заўсёды ўсё атрымліваецца, гэта натуральна, але мы будзем ўпэўнена ісці наперад. Я не сумняваюся, што ўсе гэтыя складанасці будуць пераадолены», — дадаў Пуцін.
«У Беларусі 11 кастрычніка павінны адбыцца прэзідэнцкія выбары. Гэта заўсёды вельмі адказны і няпросты этап у жыцці любой краіны», — адзначыў Пуцін на сустрэчы з Лукашэнкам. «Упэўнены, што гэтыя выбары пройдуць на самым высокім узроўні, у поўнай адпаведнасці з нашымі, з беларускімі, з міжнароднымі стандартамі. Я хачу пажадаць Вам поспехаў», — сказаў Пуцін, звяртаючыся да свайго беларускага калегі.
Лукашэнка адзначыў, што Беларусь і Расія пастаянна трымаюць на кантролі як праблемы, якія існуюць у двухбаковых адносінах, так і станоўчыя моманты.
«Я заўсёды дзякую рэгіёнам Расіі. Нашы беларуска-расійскія адносіны ў былыя часы былі выратаваны толькі рэгіёнамі Расіі. Калі б тады ў нас не было супрацоўніцтва з імі, нам бы вельмі складана было б утрымаць адносіны, якія ў нас былі ў складзе Савецкага Саюза. Пасля распаду найцяжэйшыя былі часы», — нагадаў беларускі лідар.
«Прыкладна палова ўсяго беларускага тавараабароту прыпадае на Расію. Адсюль і каштоўнасць, і значнасць нашых адносін», — падкрэсліў кіраўнік беларускай дзяржавы.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я20
Каментары