Дзясяткам дзікоў фінскія памежнікі не даюць пераходзіць мяжу Фінляндыі і Расіі
Каля ўсходняй мяжы Фінляндыі сабралася да сотні дзікоў, якія не могуць вярнуцца ў Расію сваім звыклым міграцыйным маршрутам. Прычынай стала ўспышка афрыканскай чумы свіней, паведамляе выданне Yle.
Дзікі жывуць па абодва бакі фінска-расійскай мяжы і звычайна свабодна перамяшчаюцца паміж краінамі ў пошуках ежы. Аднак пасля выяўлення віруса ў мёртвых парасят дзіка ў раёне Віралахці на поўдні Фінляндыі фінскія памежнікі часова закрылі спецыяльныя вароты для пераходу дзікіх жывёл.
Спецыялісты асцерагаюцца, што калі звыклы маршрут застанецца перакрытым, дзікі могуць пачаць рухацца на захад, распаўсюджваючы інфекцыю. Таму жывёл часова падкормліваюць, каб яны не пакідалі небяспечную зону.
Фінскія ўлады таксама разглядаюць магчымасць усталявання дадатковай агароджы, але на яе будаўніцтва можа спатрэбіцца некалькі месяцаў.
У раёнах Віралахці, Міехіккяля і на поўдні Лапеэнранты часова забаранілі паляванне, лесанарыхтоўку і выгул сабак без павадка. Акрамя таго, у трохкіламетровай зоне вакол месца выяўлення заражаных парасят каля Ваалімаа забаронены збор ягад і грыбоў.
Такія меры павінны дапамагчы прадухіліць далейшае распаўсюджванне афрыканскай чумы свіней.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары