Міністр культуры не знайшоў часу пракаментаваць Нобелеўскую прэмію Алексіевіч
Міністр культуры Беларусі Барыс Святлоў не стаў каментаваць БелаПАН прысуджэнне беларускай пісьменніцы Святлане Алексіевіч 8 кастрычніка Нобелеўскай прэміі па літаратуры.
Сустрэцца з міністрам удалося 9 кастрычніка ў Мінску пасля падпісання пагаднення аб супрацоўніцтве паміж Дзяржаўным літаратурным музеем Янкі Купалы і Федэральнай нацыянальна-культурнай аўтаноміяй «Беларусы Расіі». Чыноўнік не стаў каментаваць прысуджэнне прэміі Алексіевіч, спаслаўшыся на тое, што ў яго няма часу.
Варта адзначыць, што ў гэты ж дзень на сайце Мінкультуры з'явілася кароткае віншаванне. «Міністэрства культуры Рэспублікі Беларусь шчыра віншуе Алексіевіч Святлану Аляксандраўну з атрыманнем высокай узнагароды — Нобелеўскай прэміі ў галіне літаратуры. Жадаем шчасця і дабрабыту, невычэрпнага натхнення, новых творчых планаў і дасягненняў на карысць айчыннай культуры», — гаворыцца ў паведамленні міністэрства.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каментары