Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
Сцвярджаецца, што гэта робіцца, каб больш пільна сачыць за ўваходамі, дзіцячымі пляцоўкамі і сметнікамі, піша БелТА.
Ілюстрацыйны здымак: МУС
Камунальнікі і «Белтэлекам» ужо ўсталявалі ў Мінску каля 2 тысяч камер — на 435 дамах.
Цяпер гэту колькасць плануюць павялічыць да 19 тысяч, паведаміла генеральная дырэктарка «Мінскай гарадской жыллёвай гаспадаркі» Марына Тоўсцік падчас нарады ў Мінгарвыканкаме.
Плануецца, што ў дварах будуць працаваць кругласутачныя інтэлектуальныя камеры з выкарыстаннем машыннага зроку і штучнага інтэлекту. Сістэма будзе функцыянаваць як з аператарам, так і самастойна. Спачатку камеры будуць фіксаваць толькі ключавыя падзеі, але пасля іх навучаць і іншым функцыям.
Чыноўнікі чакаюць, што гэта зробіць назіранне за паркоўкамі больш простым.
Былы міністр культуры Руслан Чарнецкі знайшоў сабе падпрацоўку9
Каментары
"А пасля навучаць іншым функцыям" (можа быць) - ну гэта калі кагосьці забіваюць, машыну крадуць або іншыя дробязі.