Сектар фанатаў Б-12 сышоў са стадыёна ў Барысаве ў знак пратэсту супраць затрымання фанатаў у шаліках з Пагоняй
Увесь сектар Б-12 пакінуў матч адборачнага турніру Чэмпіянату Еўропы ў перапынку гульні. Пра гэта са стадыёна паведамляе карэспандэнт «Нашай Нівы». Фанаты зрабілі гэта ў знак пратэсту супраць затрымання трох заўзятараў за шалікі з Пагоняй.
Сектар Б-12 складаюць фанаты нацыянальнай зборнай Беларусі. Ён падтрымлівае беларускіх футбалістаў як дома, гэтак і за мяжой.
На гульні ў Барысаве на сектары прысутнічала некалькі дзясяткаў чалавек.
Жыхара Мінска Змітра Хведарука, а таксама Віталя Буцько і Юрыя (прозвішча называць не хоча) затрымалі за шалікі з Пагоняй на матчы адборачнага турніру Чэмпіяната Еўропы па футболе. Гульня з Македоніяй адбываецца ў Барысаве.
Пра затрыманне паведаміў журналістам «Нашай Нівы» сам Хведарук.
Хлоцаў вінавацяць у нібыта непадпарадкаванні міліцыі, вядуць у РАУС.
Архіўнае фота.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары