У Астане завяршыліся пасяджэнні савета кіраўнікоў удзельніц СНД і пасяджэння Вышэйшага Еўразійскага эканамічнага савета. Насычаны палітычнымі падзеямі для ціхага восеньскага Баравога дзень прайшоў у большай сваёй ступені без удзелу журналістаў.
Фота Турара Казангапава, Tengrinews.kz
Пачатак пасяджэнняў адставаў ад заяўленай праграмы правядзення як мінімум на гадзіну. Спікеры патлумачылі гэта тым, што менавіта на сустрэчах у вузкім складзе, куды не дапускалі журналістаў, і адкуль не было трансляцыі, абмяркоўваліся ўсе актуальныя пытанні.
Так пашыранае пасяджэнне Вышэйшага Еўразійскага эканамічнага савета пачалося ў 17.30 замест заяўленых 15.05. Трансляцыя яшчэ не пачалася, але журналісты ўжо чулі голас Аляксандра Лукашэнкі: «Нурсултан Абішавіч, у пашыраным складзе вітаць будзеце?» Пачуўся адказ казахстанскага прэзідэнта: «Абавязкова».
І следам фраза беларускага лідара, які ў гэты дзень ўзнагародзіў Назарбаева Ордэнам дружбы народаў: «Калі ласка, скажыце тры словы. Слова мае Прэзідэнт Казахстана».
«Рады вітаць вас на казахстанскай зямлі, у прыгожым Баравым», — сказаў Назарбаеў і перадаў слова Лукашэнку.
«Паважаныя сябры, у нас сёння наогул цяжкі дзень. І на СНД мы нечакана ў глыбіню ўвайшлі, абмеркавалі нашы праблемы. І тут абмеркавалі вельмі сур'ёзныя пытанні, у парадку дня ў нас 15 пытанняў. Выйшлі за межы парадку дня, звярнуўшыся да надзённых праблемаў развіцця нашага саюза», — адзначыў кіраўнік Беларусі.
Лукашэнка дадаў, што былі абмеркаваныя пытанні, звязаныя з уступленнем Кыргызстана ў ЕАЭС.
«Дамовіліся аб тым, (прапанова была падтрымана прэзідэнтамі Расіі і Казахстана), што яны самым сур'ёзным чынам папрацуюць на мяжы з Кыргызстанам, і зробяць максімум, каб народ Кыргызстана зразумеў, куды ён уступіў і якую карысць мае ад ЕАЭС. І хай прэзідэнта Кыргызстана ніхто не крытыкуе, ён заняў прыстойную пазіцыю. Упэўнены, што зрухі будуць тут вельмі істотныя ў бок Кыргызстана, у тым ліку па стаўках на наш агульны рынак, і прадукцыі і тавараў, якія існуюць у Кыргызстане. У бліжэйшы час, думаю, да новага года, гэтыя пытанні будуць прасунутыя і Кыргызстан не пашкадуе, што ўступіў у Адзіны эканамічны саюз», — сказаў Лукашэнка. Ён адзначыў, што 15 пытанняў былі разгледжаны ў вузкім складзе.
«Мы прынялі рашэнне аб тым, што з 1 лютага наступнага года Арменія будзе старшынстваваць у калегіі Еўразійскай эканамічнай камісіі. І прынялі рашэнне, хто будзе ўзначальваць пасля Расіі нашу камісію», — растлумачыў кіраўнік Беларусі. Камісію ўзначаліць Тыгран Саркісян, былы прэм'ер-міністр Арменіі.
Лукашэнка дадаў, што ўсе пытанні парадку абмеркаваны, і так як прэзідэнты выступілі ў вузкім складзе, у пашыраным — дыскусію вырашылі не разгортваць.
Журналістам заставалася толькі здагадвацца пра тое, якія гарачыя баталіі разгарнуліся за зачыненымі дзвярыма.
Акрамя таго, стала вядома, што папярэдне наступная сустрэча ўдзельнікаў ЕАЭС адбудзецца ў снежні гэтага года ў Маскве.
«Усе пытанні вычарпаныя. Хачу падзякаваць ад усіх нас Нурсултану Абішавічу за гэты цяжкі дзень, які мы правялі на цудоўнай казахскай зямлі. Падзякаваць за гасцінны прыём», — рэзюмаваў Лукашэнка
