Як паказваюць вынікі рэферэндуму ў Даніі, каля 53% датчанаў сказалі «не» правілам Еўрасаюза ў сферы права і ўнутраных спраў, адкінуўшы, такім чынам, больш цеснае супрацоўніцтва з ЕС.
Правацэнтрысцкі ўрад Даніі хацеў адмовіцца ад так званых выключэнняў (opt-outs) з агульнаеўрапейскай палітыкі — палажэнняў еўрапейскага права, што не дзейнічалі на тэрыторыі Даніі, аб якіх краіна дамовілася пры ўступленні ў Еўрасаюз.
Дзякуючы гэтым важным выключэнням, замацаваным у Маастрыхцкім дагаворы 1992 года, Данія мае права весці ўласную палітыку ў галіне бяспекі і абароны, фінансаў і еўрапейскага грамадзянства.
На рэферэндум было вынесена пытанне аб кантролі над мяжой, які набыў асаблівую важнасць пасля нядаўніх нападаў у Парыжы, а таксама на фоне наплыву ў Еўропу рэкорднай колькасці мігрантаў.
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца17
Каментары