Кавярня, дзе прапануюць нацыянальныя прысмакі, адкрылася 3 красавіка ў адным з самых маляўнічых куточкаў гораду — Цэнтры народных рамёстваў і мастацтваў «Задзьвіньне»
У Віцебску цяпер можна пакаштаваць стравы беларускай кухні. Кавярня, дзе прапануюць нацыянальныя прысмакі, адкрылася 3 красавіка ў адным з самых маляўнічых куточкаў гораду — Цэнтры народных рамёстваў і мастацтваў «Задзьвіньне» на вуліцы Чайкоўскага, 3
Як распавяла дырэктарка цэнтру «Задзьвіньне» Зоя Гаршкова, у новай кавярні можна паспрабаваць стравы, зробленыя па старажытных рэцэптах нашых продкаў, у тым ліку стравы, якія гатавалі некалі гаспадыні Віцебшчыны. Аднак, па жаданьні наведвальніка, яму могуць прапанаваць і стравы эўрапейскай кухні.
Некалькі будынкаў, якія цяпер належаць Цэнтру народных рамёстваў і мастацтваў «Задзьвіньне», адносяцца да помніку архітэктуры канца XVIII стагодзьдзя «Саляныя склады». Беларуская кавярня адкрылася тут пасьля завяршэньня другой чаргі рэканструкцыі гэтага аб’екта. Апроч таго, у «Задзьвіньні» зьявілася яшчэ адна сучасная выставачная заля.
І яшчэ. Напэўна, мала хто зь віцебскіх жаніхоў і нявест ведае, што ў «Задзьвіньні» аказваюць арыгінальную паслугу — вясельле па старажытным беларускім абрадзе.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары