Іван Краўцоў склаў абавязкі сакратара Каардынацыйнай рады. Цяпер будзе дэлегатам
Бяззменны сакратар Каардынацыйнай рады Іван Краўцоў заявіў пра завяршэнне сваёй працы на гэтай пасадзе.
Прычынай такога кроку, паводле Краўцова, стала зацягванне працэсу абрання новага сакратара.
«З улікам таго, што прайшло больш за два месяцы з абрання новага складу, а выбары сакратара так і не прызначаны, ад сёння я завяршаю выкананне абавязкаў сакратара КР, і жадаю поспеху ўсім у працягу надзвычай прадуктыўнай працы», — напісаў з сарказмам Краўцоў.
Часова выконваць абавязкі кіраўніка Сакратарыята да выбараў новага сакратара будзе Яўген Каравулаў з фракцыі «Моладзевы наступ» мінулага склікання.
Складаючы паўнамоцтвы сакратара, Краўцоў аднавіў свой мандат дэлегата КР.
Паводле статуту КР, кіраўнік сакратарыята не можа сумяшчаць сваю пасаду з мандатам дэлегата.
Каментары