У Францыі на 92-м годзе жыцця памёр пісьменнік Мішэль Турнье. Літаратар памёр у сябе дома ў пасёлку Шуазэль пад Парыжам.
Па словах мэра пасёлка, Турнье, згодна з яго апошняй воляй, будзе пахаваны пад дрэвам у сябе ў двары.
Спачуванні сваякам пісьменніка выказаў французскі прэзідэнт Франсуа Алянд. Ён ахарактарызаваў Турнье як вялікага пісьменніка незвычайнага таленту.
Мішэль Турнье нарадзіўся 19 снежня 1924 г. Сваю прафесійную дзейнасць ён пачынаў як журналіст і перакладчык. У 1967 пісьменнік апублікаваў свой першы раман «Пятніца, або Ціхаакіянскі лімб», які прынёс яму шырокую вядомасць.
У 1970 годзе Турнье атрымаў прэстыжную Ганкураўскую прэмію за свой другі раман «Лясны цар». Кнігу ў 1996 годзе экранізаваў нямецкі рэжысёр Фолькер Шлендорф (у расійскім пракаце фільм вядомы як «Огр»).
Пасля гэтага Турнье апублікаваў яшчэ некалькі раманаў і зборнікаў апавяданняў, у тым ліку дзіцячых. У апошні час пісьменнік лічыўся адным з найбольш уплывовых французскіх літаратараў другой паловы ХХ ст.
Цяпер чытаюць
У Драздах выставілі на продаж катэдж з рэкорднай цаной — $7,5 мільёна ШМАТ ФОТА2
Каментары