Яму быў 71 год.
Каля шасці гадзін раніцы 10 лютага на вуліцы Сацыялістычнай у Слуцку загарэлася кватэра ў жылым доме. Ратавальнікі ў задымленым памяшканні знайшлі гаспадара на падлозе каля канапы.
Мужчыну тэрмінова вынеслі на вуліцу і перадалі медыкам, аднак выратаваць яго не ўдалося: праз паўгадзіны лекары канстатавалі смерць.
Агонь не паспеў знішчыць усю кватэру. Паводле папярэдняй версіі, прычынай трагедыі магла стаць неасцярожнасць пры паленні.
Хаця ратавальнікі не называлі імя гаспадара, але па працах зразумела, што загінулы — вядомы мастак-авангардыст Уладзімір Акулаў.
Уладзімір Іванавіч Акулаў нарадзіўся ў 1954 годзе ў Баранавічах, але большая частка яго жыцця звязана са Слуцкам.
Таксама Акулаў жыў і працаваў у Мінску, дзе стаў адным з яскравых удзельнікаў груп беларускага авангарда.
Творы мастака прадстаўлены ў фондах Нацыянальнага цэнтра сучасных мастацтваў, іншых беларускіх музеяў, а таксама ў шматлікіх прыватных калекцыях па ўсім свеце.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары