Шмат хто зь менскіх уладальнікаў спадарожнікавых антэн днямі атрымаў па пошце «прадпісаньні» ад жыльлёва‑камунальных службаў — «у тэрміновым парадку» да 7 красавіка падаць дакумэнты, што дазваляюць усталяваньне «талерак» і кандыцыянэраў.
Шмат хто зь менскіх уладальнікаў спадарожнікавых антэн днямі атрымаў па пошце «прадпісаньні» ад жыльлёва‑камунальных службаў — «у тэрміновым парадку» да 7 красавіка падаць дакумэнты, што дазваляюць усталяваньне «талерак» і кандыцыянэраў.
У прыватнасьці, такія паперы прыйшлі жыхарам Савецкага і Першамайскага раёнаў ад кіраўніцтва іх «жыльлёва‑эксплюатацыйных участкаў».
У выпадку невыкананьня прадпісаньня ў належны тэрмін жыльлёвыя службы пагражаюць прыцягненьнем грамадзян да адміністрацыйнай адказнасьці. Гаворка ідзе пра арт. 21.13 КаАП — «Парушэньне архітэктурнага рашэньня фасаду будынка альбо пабудовы».
Юрысты БАЖ ня раз падкрэсьлівалі, што нормы новага Адміністрацыйнага кодэксу могуць распаўсюджвацца толькі на падзеі, якія адбыліся пасьля ўступленьня кодэксу ў сілу — г.зн. 1 сакавіка 2007 году. Такім чынам, калі ў артыкуле 21.13 КаАП размова ідзе пра адказнасьць за парушэньне архітэктурнага рашэньня фасадаў будынкаў — у тым ліку за ўсталяваньне спадарожнікавых антэн — то нормы заканадаўства могуць распаўсюджвацца толькі на тых, хто зьбіраецца іх усталяваць, а не на тых, хто пасьпеў зрабіць гэта раней.
«Закон ня мае адваротнай сілы, калі пагаршае прававы стан суб’ектаў. У дадзеным выпадку ўльтыматыўнае патрабаванне ўладаў зьняць антэны відавочна парушае інтарэсы грамадзян і дзейнічае насуперак іх інтарэсам. Таму з пункту гледжаньня заканадаўства можна сьцьвярджаць, што патрабаваньне да грамадзян зняць ужо ўсталяваныя антэны неправамоцнае», — адзначае кіраўнік Цэнтру прававой дапамогі СМІ пры БАЖ Міхаіл Пастухоў.
Цяпер чытаюць
Памілаваны 15 палітвязняў, у тым ліку дзве сямейныя пары2
Каментары