Палітычны дырэктар МЗС Германіі Андрэас Міхаэліс 9—10 лютага наведае Беларусь з візітам.
Як паведаміў 4 лютага на брыфінгу ў Мінску прэс-сакратар МЗС Беларусі Дзмітрый Мірончык, запланаваныя сустрэчы Андрэаса Міхаэліса з міністрам замежных спраў Беларусі Уладзімірам Макеем і яго намеснікам Аленай Купчыной. «Падчас перамоў плануецца абмеркаваць актуальныя пытанні беларуска-германскага супрацоўніцтва, таксама адносіны Беларусі з Еўрасаюзам», — сказаў Мірончык.
У гэтыя ж дні Мінск наведаюць прадстаўнікі МЗС Аўстрыі і Вялікабрытаніі. Візіты заходнееўрапейскіх палітыкаў пройдуць напярэдадні пасяджэння Рады Еўрасаюза ў замежных справах, якое адбудзецца 15 лютага ў Бруселі. У парадак дня пасяджэння ўключанае пытанне па Беларусі.
Нагадаем, да канца лютага ЕС павінен вызначыцца з абмежавальнымі мерамі ў дачыненні да Беларусі. Зараз дзейнічае рашэнне аб прыпыненні санкцый супраць 171 фізічнага і 10 юрыдычных асоб Беларусі, прынятае Еўрасаюзам 31 кастрычніка 2015 года на чатыры месяцы. Афіцыйныя прадстаўнікі Беларусі неаднаразова заяўлялі, што ў Мінску разлічваюць на поўную адмену санкцый.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску12
Каментары