Ліст чытача: «Міністр адукацыі з разумным тварам. Ды толькі хто яго падтрымае?»
Нарэшце з’явіўся міністр адукацыі з разумным выразам твару і добрымі намерамі рэфармавання нашай выродлівай адукацыі. Ды толькі хто яго падтрымае? Адміністрацыя школ? Нашы троечніцы моцна трымаюць рубяжы ўсяго, што паспелі накапіць па заняволенні настаўнікаў.
Выкараніць паператворчасць? Дзе ж там!
Марнуем паперу кілаграмамі, ды яшчэ і дублюем тое ж самае ў электронным варыянце, каб паказаць, якія мы «прасунутыя».
І ўсё застанецца па-ранейшаму: распрананне «дзетак» у гардэробе. Дзеткі — ад 186 см да 2 метраў. Усе — члены БРСМ. Вывад у сталовую. Кармленне. Апрананне ў гардэробе. Вывад дадому.
І ў туалеты водзім, каб не курылі, каб петарды ва ўнітаз не кідалі, каб у заклад не забівалі рулоны туалетнай паперы ў трубы. «Заб’е — не заб’е?»
Манім з 6 раніцы да 12 ночы: дома, у школе, на ТБ, у прэсе. Манім адно аднаму і сабе.
Рэформы? Адпішамся! Адбрэшамся. Адрапартуем. У чарговы раз. Пералічым усіх сваіх геніяў, пераможцаў над усімі ва ўсім свеце. Успомнім Гандурас і Данбас, дзе ўсё яшчэ горш. Праспяваем оду — усяму народу: «Вся страна сіл полна, дальше всех пойдёт она!» Ужо прыйшла… Нашто нейкія там рэформы!? Нашым начальнікам жылося добра раней, выдатна жывецца цяпер, а жыць яшчэ лепей яны будуць у недалёкай будучыні.
Будзем рабіць выгляд самай спартыўнай нацыі, душачыся ў транспарце з вучнямі, вяртаючыся з чарговага хакея ў чарговай арэне. І на ўсе пытанні сацапытанняў адказваць з жыццярадаснай усмешкай блазнаў: усім задаволеныя, усе пагалоўна шчаслівыя, «гэта наш выбар», нам зайздросцяць усе. А чаму б і не?
Мне падабаецца ўсё: надвор’е, прырода, ахова здароўя, адукацыя, пенсійныя рэформы, апарат МУС, міністр гэтага апарата — бравы камісар без пыльнага шлема. Падабаюцца нашы аўтобусы, тралейбусы, жывёлагадоўля, ЖЭСы, турмы — усё!
Паспрабуй сказаць, што штосьці не так: «Не падабаецца — з’язджайце!» — навучыліся біць па апанентах.
Адкажу кожнаму і ўсім паасобку. Тут усё маё, і я адсюль родам! І не вам, камісары НКВД, у шлемах і без іншых, указваць мне, дзе жыць і як жыць! Настаўнік павінен быць Настаўнікам, а не служкам і рабом. Вось на гэта і трэба накіраваць усе рэформы.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну1
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары