Статкевіч заклікаў пачаць акцыю пратэсту ў панядзелак з прыёмнай Адміністрацыі прэзідэнта
«У панядзелак 22 лютага ў Мінску адбудзецца чарговы мітынг у падтрымку ІП. Падтрымоўваю гэты мітынг, — напісаў у сябе ў фэйсбуку экс-кандыдат у прэзідэнты Мікола Статкевіч — але прапаную перад яго пачаткам прыйсці да прыёмнай Адміністрацыі прэзідэнта і прынесці з сабой заявы з патрабаваннем адмены ўказа 222, адмовы ад абмежаванняў на атрыманне і асабісты ўвоз рэчаў з-за мяжы, зніжэння цэнаў паслуг ЖКГ. Заявы можна і не аддаваць, але варта прыйсці адначасова, каб самым фактам нашага масавага прыходу мы маглі паказаць нашую нязгоду са спробай улады за наш кошт ліквідаваць наступствы свайго бязглуздага кіравання эканомікай», — заклікае Статкевіч.
«Гэта вашае законнае права прыходзіць у тую прыёмную са сваімі пісьмовымі ці вуснымі патрабаваннямі. Для таго ж тая прыёмная і існуе. Ніякіх дазволаў для гэтага не патрабуецца», — тлумачыць Статкевіч.
Першая публічная акцыя пратэсту прадпрымальнікаў адбылася ў мінулы панядзелак 15 лютага. Нягледзячы на сваю стыхійнасць, яна аказалася нечакана шматлюднай. У ёй узялі ўдзел каля 800 чалавек.
Пратэстоўцы патрабуюць як адмены ўказа 222, так і змены палітычнага і эканамічнага курсу краіны.
Прадпрымальнікаў падтрымалі лідары апазіцыі Анатоль Лябедзька, Мікалай Статкевіч, Уладзімір Някляеў, Павел Севярынец.
Таццяна Караткевіч і Анатоль Шумчанка да акцыі 15 лютага не далучыліся.
«Хто не баіцца, прыходзьце — я там буду», — падкрэсліў Мікалай Статкевіч.
* * *
NN.BY будзе весці анлайн-рэпартаж з цэнтра Мінска заўтра, 22 лютага.
Анлайн-рэпартаж з акцыі пратэсту 15 лютага стаў самым чытаным матэрыялам на NN.BY за мінулы тыдзень: У цэнтры Мінска прайшла акцыя пратэсту індывідуальных прадпрымальнікаў.
-
Шрайбман: Ад адных чую, што Мінск стаў пустым і ўсе чакаюць вяртання людзей. А іншая пазіцыя: усё нармальна, з’ехалі — на здароўе
-
Святлана Шаціліна патлумачыла, чаму пакінула пасаду кіраўніцы Місіі дэмсіл Беларусі ва Украіне
-
Паездка на самакаце абышлася мінчанцы ў 16 тысяч даляраў — столькі давядзецца патраціць на зубы
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары