«Я б'юся, як дзяўчына!» Арміі свету віншуюць жанчын з 8 Сакавіка ВІДЭА
Восьмы дзень вясны адзначаецца амаль ва ўсім свеце як свята жанчын і іхнага змагання за роўныя з мужчынамі правы. У гэты ж дзень арміі розных краін віншуюць тых дзяўчын і жанчын, якія носяць вайсковую ўніформу.
Сілы абароны Ізраіля выпусцілі кароткі ролік «Вось, як гэта робяць дзяўчыны».
На трохі іранічным відэа байцы адной з найлепш падрыхтаваных армій света, у якой абодва полы маюць роўныя правы і магчымасці, гавораць: «Я камандую, як дзяўчына. Я плаваю па моры, як дзяўчына. Езжу на машыне, як дзяўчына. Я б'юся, як дзяўчына».
Сухапутныя войскі ЗША зрабілі ролік у гонар маёра Лайзы Джасцер, якая стала першай маці, якая скончыла курс рэйнджэраў.
Француская армія апублікавала ролік пра жанчыну-афіцэра Марыю, якая служыць у рэзэрве.
Брытанцы знялі ролік пра тое, як 22 жанчыны зараз праходзяць курс арктычнага выжывання Марской пяхоты ў Нарвегіі.
Міністэрства абароны Украіны апублікавала фота з выставы «Жанчыны ў Узброеных сілах Украіны».
Сайт Міністэрства абароны Беларусі апублікаваў цёплае віншаванне міністра генерал-лейтэнанта Андрэя Раўкова, але нажаль толькі на расейскай мове.
Таксама некалькі артыкулаў пра жанчын, якія служаць у беларускай арміі, напісала да даты выключна на расейскай афіцыйнае выданне МА РБ — «Беларуская ваенная газета».
Каментары