Прэс-сакратар КДБ пра затрыманне Чыжа: «Ведаю пра гэта толькі тое, што ёсць у інтэрнэце»
Прэс-cакратар КДБ Дзмітрый Пабяржын адказаў карэспандэнту Свабоды на пытанне адносна звестак пра затрыманне Юрыя Чыжа ды іншых кіраўнікоў кампаніі «Трайпл».
«Ведаю пра гэта толькі тое, што ёсць у інтэрнэце. Нічога не каментуем. Калі будзе нейкая інфармацыя ў панядзелак, паведамім», — заявіў ён.
Прэс-сакратары МУС і Следчага камітэта на званкі не адказалі.
Учора партал tut.by са спасылкай на інфармаваныя крыніцы паведаміў, што адзін з уплывовых некалі бізнэсоўцаў краіны, які ўваходзіў у найбліжэйшае кола кіраўніка Беларусі, Юры Чыж затрыманы супрацоўнікамі праваахоўных органаў. Паводле інфармацыі БелаПАН, учора ў офісе Чыжа прайшоў ператрус, была праведзена выемка дакументаў.
Афіцыйнага пацьверджання гэтай інфармацыі няма. Тэлефон Юрыя Чыжа адключаны. Прэс-служба кампаніі «Трайпл» на званкі не адказвае.
Каментары