У цэнтры Мінска прайшла акцыя «Праспект нацыянальнага сцяга» ФОТЫ
«Малады фронт» на Кастрычніцкай плошчы правёў акцыю, прымеркаваную да гадавіны рэферэндуму 1995 г., у выніку якога была змененая дзяржаўная сімволіка і ліквідаваны статус беларускай мовы як адзінай дзяржаўнай. Акцыя сабрала некалькі дзясяткаў чалавек.
13:15
Пратаколы на ўдзельнікаў акцыі складалі 2-х відаў: па артыкуле 23.4 (непарадкаванне міліцыі) і артыкуле 23.34 (несанкцыянаванае масавае мерапрыемства) Кодэкса аб адміністрацыйнай адказнасці.
Падчас акцыі быў затрыманы журналіст Радыё Свабода Алег Груздзіловіч. Яго затрымалі на праспекце Незалежнасці ля выхаду са станцыі метро «Кастрычніцкая». Журналіста абвінавацілі ў тым, што ён выйшаў на праезжую частку, адвезлі да гатэля «Еўропа», дзе выпісалі штраф 210 тыс. рублёў за парушэнне правілаў дарожнага руху.
12:52
Акцыя дацягнулася да ўніверсама «Цэнтральны».
Фота з фэйсбука Настассі Шамрэй. Другая справа — Ніна Багінская
12:40
Міліцэйскія начальнікі назіраюць за акцыяй здаля.
12:32
На Кастрычніцкую плошчу прыйшоў Мікалай Статкевіч — ён падзякаваў усім прысутным за ўдзел акцыі.
Зараз на плошчы некалькі дзясяткаў чалавек.
12:30
Актывісты: «ДАІ адмыслова перакрылі рух на праспекце, пусцілі палівачкі. Гэта каб нас ўбачыла менш людзей».
12:24
На плошчы сабралася некалькі дзясяткаў чалавек, якія трымаюць у руках бел-чырвона-белыя сцягі. Сярод удзельнікаў — Зміцер Дашкевіч, Мікалай Аўтуховіч, Максім Вінярскі, Вольга Мікалайчык і іншыя. Актывісты трымаюць бел-чырвона-белыя сцягі, а таксама стужкі. Амаль адразу з'явіліся супрацоўнікі міліцыі, якія пачалі складаць пратакол на аднаго з удзельнікаў акцыі.
12:23
У прысутных — каля двух дзясяткаў сцягоў.
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне7
Каментары