Сенат Польшчы заклікаў Сейм (ніжняя палата польскага парлямэнту) прызнаць Валынскую разню (масавае забойства польскага насельніцтва з 1943 па 1945 г.) генацыдам.
Польскі сенат галасамі кіруючай партыі «Права і справядлівасьць» заклікаў устанавіць 11 ліпеня Нацыянальным днём памяці ахвяраў генацыду.
У тэксце пастановы гаворыцца, што ахвяры учыненых у 40-х гадах злачынстваў да гэтага часу не былі ўшанаваныя, а масавыя забойствы не былі названыя генацыдам.
Акрамя таго, як гаворыцца ў пастанове, падчас Валынскай разні загінулі, акрамя палякаў, яўрэі, армяне, чэхі, а таксама прадстаўнікі іншых «нацыянальных меншасцяў».
60 сенатараў падтрымалі пастанову, 23 прагаласавалі супраць. Адзін сенатар устрымаўся.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?7
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары