Валавы ўнутраны прадукт Беларусі ў студзені—чэрвені знізіўся на 2,5% у параўнанні з аналагічным перыядам мінулага года. Паводле інфармацыі БелаПАН, у грашовым выражэнні ВУП склаў 44,2 млрд. дэнамінаваных рублёў.
Асноўны адмоўны ўплыў на дынаміку ВУП у першым паўгоддзі, як сведчаць статыстычныя звесткі, рабіла прамысловасць.
У студзені—чэрвені аб'ём прамысловай вытворчасці склаў 38,7 млрд. рублёў і знізіўся на 1,6% у параўнанні з аналагічным перыядам мінулага года.
Нагадаем, паводле прагнозу, які раней зацвердзіў урад, чакалася, што ў першым паўгоддзі будзе забяспечаны рост ВУП Беларусі на 0,1%. Меркавалася, што паводле вынікаў 2016 года эканамічны рост складзе 0,3%, аднак, нягледзячы на адмоўную дынаміку гэтага паказчыка ў першым паўгоддзі, афіцыйны прагноз не пераглядаўся.
Міжнародныя фінансавыя інстытуты, якія з'яўляюцца ключавымі крэдыторамі Беларусі, прагназуюць, што ВУП краіны на працягу 2016 года будзе заставацца ў адмоўнай зоне. Так, Еўразійскі банк развіцця, які выдзеліў Беларусі ў сакавіку новы крэдыт, чакае, што эканамічны спад у краіне складзе 1,9% ў 2016 годзе.
Міжнародны валютны фонд, з якім беларускія ўлады працягваюць перамовы аб атрыманні новага крэдыту, прагназуе, што ВУП Беларусі ў 2016 годзе знізіцца на 3% і ў 2017-м рэцэсія ў краіне, хай і менш значная, працягнецца. Паводле ацэнак МВФ, валавы ўнутраны прадукт у наступным годзе можа знізіцца на 0,5%.
Дэлегатка КР Карпушонак пасля маўчання апублікавала відэа31
Каментары