Звольнілі галоўнага следчага Мінскай вобласці. У 2020 годзе ён моцна засвяціўся
Аляксандр Лукашэнка падпісаў указ аб вызваленні Сяргея Удовікава з пасады начальніка ўпраўлення Следчага камітэта Мінскай вобласці.
Сяргея Удовікава звольнілі са службы ў Следчым камітэце з правам нашэння ўстаноўленай формы адзення і знакаў адрознення. Зрабілі гэта «ў сувязі з пагадненнем бакоў» — даволі незвычайная фармулёўка, калі ідзе гаворка пра адстаўкі высокапастаўленых сілавікоў.
Перад тым, як у красавіку 2024 года стаць кіраўніком упраўлення Следчага камітэта Мінскай вобласці, Сяргей Удовікаў кіраваў аналагічным упраўленнем у Гомельскай вобласці.
Менавіта падчас ягонага кіравання структурай праходзіла праверка паводле факта смерці 11 жніўня 2020 года, падчас паслявыбарчых пратэстаў жыхара Гомеля Аляксандра Віхора.
У завядзенні крымінальнай справы па факце смерці Віхора тады было адмоўлена. Сяргей Удовікаў тады заявіў, што смерць пратэстоўца нібыта не мела крымінальнага характару. Паводле яго слоў, сілавікі прымянілі фізічную сілу «абгрунтавана», а прычынай смерці стала раптоўнае абвастрэнне захворвання сардэчна-сасудзістай сістэмы. Пераломы рэбраў і грудзіны, як сцвярджаў Удовікаў, узніклі нібыта ў выніку правядзення рэанімацыйных мерапрыемстваў.
Нагадаем, 25‑гадовага Аляксандра Віхора затрымалі ўвечары 9 жніўня на вуліцы Савецкай у Гомелі, па словах родных, ён ехаў да сваёй дзяўчыны. Сям'я шукала сына тры дні: тэлефанавалі і хадзілі ў РАУС, дзяжурылі да ночы ля СІЗА і ІЧУ. І толькі калі 12 жніўня родныя прыехалі ў міліцыю пісаць заяву аб знікненні чалавека, стала вядома: Сашы няма ў жывых яшчэ з 11‑га жніўня.
«Адмовілі ў завядзенні справы па смерці Сашы». Завершана праверка па справе Аляксандра Віхора з Гомеля, які памёр падчас пратэстаў
На магіле памерлага пасля разгону пратэстаў у Гомелі Аляксандра Віхора паставілі помнік ФОТА
Што паказала экспертыза па Аляксандру Віхору, які загінуў у Гомелі ў першыя дні пратэстаў
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары