Больш за 15 тысяч чалавек былі затрыманыя ў Турцыі ў сувязі са спробай перавароту, 10 тысяч з іх — вайскоўцы, паведаміў міністр унутраных спраў краіны Эфкан Ала.
У інтэрв'ю тэлеканалу CNN Turk ён таксама растлумачыў, што 8113 чалавек знаходзяцца пад арыштам у чаканні суда.
У той жа час праваабарончыя арганізацыі паведамляюць пра жахлівыя ўмовы ўтрымання затрыманых. Так, Amnesty International сцвярджае, што многіх арыштаваных пазбаўляюць ежы і вады і збіваюць. Паведамляецца таксама пра выпадкі згвалтавання.
Міністр юстыцыі Турцыі Бекір Боздаг адпрэчыў усе гэтыя абвінавачванні, заявіўшы, што праваабаронцы самі падтрымліваюць удзельнікаў перавароту.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы1
Каментары