Кітайцы выкупілі кампанію — распрацоўшчыка сацыяльных казіно-гульняў Playtika у Caesars Interactive Entertainment, даччынай кампаніі найбуйнейшага ў свеце аператара казіно Caesars Entertainment Corporation, паведамляе dev.by.
У кітайскі кансорцыум увайшлі распрацоўшчык гульняў Shanghai Giant Network Technology Co, Giant Investment (HK) Limited, фонд прамых інвестыцый заснавальніка Alibaba Джэка Ма Yunfeng Capital, China Oceanwide Holdings Group Co, China Minsheng Trust Co, CDH China HF Holdings Company Limited і Hony Capital Fund.
Вядома, што заснаваная ў Ізраілі кампанія са штаб-кватэрай у Герцліі захавае незалежнасць у межах кансорцыума.
У 2010 годзе ізраільцяне Роберт Антаколь і Уры Шахак заснавалі геймдэў-кампанію Playtika і выпусцілі свой дэбютны прадукт — гульню Slotomania, якая ўжо стала класікай. Пры гэтым працэс пошуку першага інвестара заняў у іх доўгія восем месяцаў. Ніхто проста не мог паверыць, што людзі будуць гуляць у анлайн-казіно, дзе яны не змогуць выйграць рэальныя грошы.
За мінулыя пяць гадоў Slotomania стала самай папулярнай слот-гульнёй у свеце, а Playtika, набытая ў 2011 годзе кампаніяй Caesars Interactive Entertainment за 130 млн даляраў, стала сусветным распрацоўшчыкам № 1 у сферы сацыяльных казіно з офісамі ў 12 краінах і штатам у 1300 чалавек.
Мінскі офіс кампаніі вырас за чатыры гады з 40 да 140 чалавек. Беларуская каманда распрацоўшчыкаў адказвае за вырашэнне многіх кроспраектных задач. Напрыклад, беларусы распрацавалі і падтрымліваюць уласны гульнявы рухавічок Monosyne, на якім пабудавана мноства праектаў Playtika.
Продаж Playtika мусяць ухваліць наглядныя органы і, як чакаецца, будзе завершаны ў трэцім або чацвёртым квартале 2016 года.
Цяпер чытаюць
Хто забараняе ў Беларусі кнігі — вось гэтыя 22 чалавекі25
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары