Тадэвуш Кандрусевіч: Я спадзяюся, што візыт кардынала Тарчызіо Бэртонэ адыграе важную ролю ў жыцьці каталіцкага касьцёлу, бо гэта — другая асоба ў каталіцкім касьцёле.
Дзяржаўны сакратар Ватыкану, кардынал Тарчызыё Бэртонэ, наведае Беларусь з афіцыйным візытам 18 — 22 чэрвеня.
Прадугледжаныя сустрэчы кардынала з афіцыйнымі асобамі і вернікамі.
«Я спадзяюся, што візыт кардынала Тарчызіо Бэртонэ адыграе важную ролю ў жыцьці каталіцкага касьцёлу ня толькі ў Менску, але й ва ўсёй Беларусі, бо гэта — другая асоба ў каталіцкім касьцёле, гэта найбліжэйшы супрацоўнік Папы Бэнэдыкта XVI», — адзначыў Мітрапаліт Тадэвуш Кандрусевіч на прэсавай канфэрэнцыі ў Менску 5 траўня.
Кардынал наведае Менск, Пінск і Горадню, асьвеціць вуглавы камень касьцёлу сьвятога Яна Хрысьціцеля ў Менску, прыме ўдзел у паседжаньні Канфэрэнцыі каталіцкіх біскупаў у Беларусі. У плянах таксама наведаньне цэнтру «Карытас» у Ляскоўцы (ля Бараўлянаў), які дапамагае дзецям з анкалягічнымі захворваньнямі.
19 чэрвеня Тарчызыё Бэртонэ адслужыць імшу ў менскай катэдры.
Фота — Catholic-Pages.com
Цяпер чытаюць
Медыйны прэс-сакратар МНС Віталь Дамбоўскі пайшоў у псіхолагі-сэксолагі3
Каментары