Беларусь можа ў перспектыве экспартаваць кавуны, заявіў сёння журналістам намеснік міністра сельскай гаспадаркі і харчавання Уладзімір Гракун.
На пытанне аб перспектыўнасці вырошчвання бахчавых культур у Беларусі, намеснік міністра адказаў, што бахчавая культура для краіны — новая. «У мінулым годзе мы сабралі 500 т ураджаю, у гэтым годзе чакаецца больш. Цяпер пад гэту культуру адведзена каля 40 га зямель. Таму аб экспарце гаварыць рана. Але пры высокай ураджайнасці стануць магчымы і экспартныя пастаўкі», — растлумачыў Уладзімір Гракун.
Паводле слоў намесніка міністра, у Беларусі «ў асноўным вырошчваюцца традыцыйныя культуры, аднак да іх дабаўляюцца і новыя, напрыклад баклажаны і часнок». «Цяпер Беларусь поўнасцю забяспечвае сябе цыбуляй, і гэты напрамак мае экспартны патэнцыял», — сказаў ён.
Уладзімір Гракун таксама паведаміў, што 15 верасня ва ўсіх гарадах Беларусі пройдуць сельскагаспадарчыя кірмашы, на якіх вытворцы прадставяць сваю прадукцыю па зніжаных цэнах.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары