Цела мужчыны з колата-рэзанымі ранамі знайшлі ў кустах на абочыне дарогі побач з вёскай Хрыпкі Шумілінскага раёна, паведамляе ўпраўленне СК па рэгіёне.
Следчыя высветлілі асобу забітага — гэта 33-гадовы жыхар Віцебска, намеснік дырэктара адной з фірмаў горада. Напярэдадні вечарам ён паехаў на сваёй BMW X5 у Гарадок, каб купіць нерухомасць як прыватная асоба. Дадому мужчына не вярнуўся, і сваякі звярнуліся ў міліцыю.
Па падазрэнні ў здзяйсненні злачынства затрыманы 34-гадовы несудзімы жыхар Гарадка. З ім працуюць следчыя. Падазраваны быў непасрэдна датычны да заключэння здзелкі.
Знайшлі і аўтамабіль загінулага — ён знаходзіўся ў гаражным кааператыве Гарадка. Замест сапраўдных на машыне былі транзітныя нумары Расійскай Федэрацыі. У гаражы таксама выявілі сапраўдныя нумарныя знакі, асабістыя рэчы забітага, залатыя ўпрыгажэнні, дакументы, прылада злачынства — штык-нож.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай30
Каментары