Прэм'ер-міністр Ізраіля Біньямін Нетаньяху абвясціў аб тым, што ядзерны рэактар у пустыні Негеў будзе перайменаваны ў гонар нябожчыка прэзідэнта краіны Шымона Перэса.
Такую заяву Нетаньяху зрабіў падчас паседжання кабінета міністраў.
Шымон Перэс адыграў вядучую ролю ў стварэнні сакрэтнага ядзернага цэнтра ў Дымоне ў канцы 1950-х гадоў, пабудаваўшы яго з дапамогай французаў.
У цяперашні час гэты аб'ект носіць назву Ядзернага даследчага цэнтра Негеў. Як заявіў Нетаньяху, было б правільна увекавечыць памяць аб удзеле Перэса ў стварэнні цэнтра, які гарантуе бяспеку краіны на пакаленні наперад.
Шымон Перэс, які двойчы займаў пасаду прэм'ер-міністра і адзін раз — прэзідэнта Ізраіля, памёр у верасні ва ўзросце 93 гадоў.
Каментары