Жанчына з пасёлка Бальшавік Гомельскага раёна падазраецца ў замаху на забойства 18-гадовай дзяўчыны, паведаміў прэс-сакратар УУС Гомельскага аблвыканкама Віталь Прыстромаў.
Увечары 16 кастрычніка паміж 86-гадовай гаспадыняй дома і 18-гадовай знаёмай яе ўнука з вёскі Хатоўня (Рагачоўскі раён), адбыўся канфлікт. У сварцы бабулька параніла госцю нажом. Пацярпелая з пранікальным раненнем грудной клеткі змешчана ў бальніцу.
Матывы, якія штурхнулі старую жанчыну схапіцца за нож, не паведамляюцца. Папярэдне ўстаноўлена, што дзяўчына знаходзілася ў стане алкагольнага ап'янення.
У дачыненні да старой жанчыны заведзена крымінальная справа па п.1 арт.14 і п.1 арт.139 (замах на забойства) КК Беларусі.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары