Прэс-служба прэзідэнта Украіны Пятра Парашэнкі заявіла аб тым, што кіраўнік украінскай дзяржавы правёў тэлефонную размову з прэзідэнтам Кыргызстана Алмазбекам Атамбаевым. У прэс-службе прэзідэнта Кыргызстана гэтую інфармацыю абверглі. Пра гэта паведаміў загадчык аддзела знешняй палітыкі ў рангу намесніка кіраўніка Апарату прэзідэнта Сапар Ісакаў, перадае інфармагенцтва «АКИpress».
«Гэтая інфармацыя непраўдзівая. Магчыма, украінскага лідара хтосьці разыграў», — сказаў Ісакаў. Аб тэлефоннай размове на сайце прэзідэнта Кыргызстана таксама нічога не паведамляецца.
Раней на сайце Парашэнкі з'явілася інфармацыя аб тым, што ён правёў тэлефонную размову з кіраўніком Кыргызстана.
«Пятро Парашэнка і Алмазбек Атамбаеў абмеркавалі шляхі пераадолення праблем, якія ўзніклі з пастаўкамі ўкраінскай прадукцыі ў Кыргызстан з прычыны абмежаванняў Расеяй транзіту ўкраінскіх тавараў, а таксама магчымыя альтэрнатыўныя маршруты перавозак», — гаварылася ў паведамленні прэс-службы ўкраінскага прэзідэнта.
Таксама адзначалася, што значная ўвага была нададзеная ўзаемадзеянню паміж Украінай і Кыргызстанам у рамках міжнародных арганізацый, перш за ўсё ў ААН.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла2
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары