Лукашэнка паабяцаў вайскоўцам не пасылаць іх у «гэту бойню» ва Украіне
6 ліпеня Аляксандр Лукашэнка прыняў удзел ва ўрачыстай цырымоніі ўшанавання выпускнікоў вышэйшых вайсковых навучальных устаноў і прадстаўнікоў найвышэйшага афіцэрскага складу, дзе зрабіў некалькі заяў.
Падчас сустрэчы Лукашэнка адзначыў, што, маўляў, дадатковым фактарам стратэгічнага стрымлівання сталі размяшчэнне на тэрыторыі Беларусі ракетнага комплексу «Арэшнік» і тактычнай ядзернай зброі. Ён падкрэсліў, што гэтыя сродкі нібыта прызначаныя для гарантавання бяспекі краіны, а не для пагроз іншым дзяржавам.
Разам з тым Лукашэнка заявіў, што вынікі нядаўняй праверкі баявой гатоўнасці паказалі неабходнасць далейшага ўдасканалення Узброеных сіл. Ён заклікаў выпускнікоў і генералаў выкарыстоўваць свае веды і вопыт для павышэння эфектыўнасці войска.
Закранаючы міжнародную сітуацыю, Лукашэнка назваў галоўнай крыніцай напружанасці ў рэгіёне вайну ва Украіне. Ён таксама заявіў пра нібыта курс Еўрапейскага саюза на мілітарызацыю і традыцыйна абвінаваціў Захад у вядзенні супраць Беларусі гібрыднай вайны, якая ўключае эканамічны, палітычны і інфармацыйны ціск, а таксама правакацыі на паўднёвых межах.
Паводле слоў Лукашэнкі, Беларусь выступае за мірнае ўрэгуляванне канфлікту ва Украіне і не мае намеру ўдзельнічаць у вайне. Ён падкрэсліў, што беларусы не жадаюць вайны, але гатовыя абараняцца ў выпадку неабходнасці.
«Асобных заходніх палітыкаў проста раздражняюць нашы самастойнасць і незалежнасць. Наш саюз з Расіяй і адданасць мірнаму ўрэгуляванню канфлікту ва Украіне.
Яшчэ раз падкрэсліваю, паважаныя таварышы, ніхто вас у гэтую бойню пасылаць не будзе. Вайна нам не патрэбна, гэта дрэнна, што вайна ідзе ва Украіне. Мы прыхільнікі мірнага вырашэння пытанняў. Але, як я сказаў, міжнародная «партыя вайны» гэтага не хоча», — заявіў Лукашэнка.
Каментары
Смешно, сдерживание в чём и от кого ???
Насколько мне известно, кроме России, в Европе, никто и никуда, не планировал и не планирует нападать !
А в общем дожились, существование Беларуси, как независимого государства, зависит от личных отношении лукашенко и Си !
Яшчэ раз падкрэсліваю, паважаныя таварышы, ніхто вас у гэтую бойню пасылаць не будзе."
Думаю, что первый абзац адресован путину - чтобы после него сказать второй. Типа, вова, я ваша навеки, но х.. тебе, а не мои войска. Но и человеколюбие тут искать ен надо - ситуацию понимает, шкура дорога.