У мінскім скверы заўважылі разьбяную стойку для буккросінгу з Іванам Мележам
У скверы ў мінскім Зялёным Лузе, на вуліцы Гамарніка карыстальнік Threads заўважыў незвычайную пабудову — стойку для буккросінгу. Відэа з пабудовай аўтар выклаў у сацсетку, піша Blizko.by.
Стойка ўяўляе сабой драўляную альтанку з невялікай шафай у выглядзе вясковай хаткі з разьбой і лаўкай. Дзверцы шафы шкляныя з рамамі, яны зачыняюцца на кручок. Унутры шафы — прасторныя драўляныя паліцы для кніг. Побач высаджаныя сукуленты.
Над лаўкай побач размяшчаецца партрэт беларускага пісьменніка Івана Мележа з ягонай цытатай: «Мова — гэта вялікі народны скарб. Яго нельга не паважаць, як нельга не паважаць родны народ».
Інсталяцыя працуе ў фармаце буккросінгу: любы чалавек можа адчыніць шафу, выбраць сабе кнігу, якая спадабалася, і забраць яе дадому. Альбо прынесці туды сваю кнігу, якая больш не патрэбная.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты5
Каментары