Касацыйны суд Егіпта адмяніў смяротны прысуд былому прэзідэнту краіну Махамеду Мурсі, піша ВВС.
Ён быў прысуджаны да смяротнага пакарання па крымінальнай справе аб удзеле ў масавых беспарадках і арганізацыі ўцёкаў зняволеных з турмы падчас паўстання ў 2011 годзе, якое прывяло да звяржэння рэжыму Хосні Мубарака.
Уцёкі суправаджаўся забойствамі паліцэйскіх і супрацоўнікаў турэмнай аховы.
Гэта адна з чатырох судовых спраў, распачатых у дачыненні да Мурсі, які знаходзіцца ў зняволенні з моманту свайго звяржэння ў ліпені 2013 года.
Па іншых абвінавачваннях Мурсі ўжо быў прысуджаны да 20 гадоў турмы і да пажыццёвага зняволення, судовае разбіральніцтва па шэрагу спраў працягваецца да гэтага часу.
Касацыйны суд таксама адмяніў смяротныя прысуды ў дачыненні да яшчэ пяці актывістаў забароненага ў Егіпце руху «Браты-мусульмане», лідарам якога быў Мурсі.
У 2012 годзе пасля звяржэння Хосні Мубарака Мурсі перамог на выбарах прэзідэнта краіны, стаўшы першым дэмакратычна абраным прэзідэнтам у гісторыі Егіпта. Праз год ён быў зняты з пасады ў выніку ваеннага перавароту.
Новы ваенны ўрад Егіпта абвясціў «Братоў-мусульман» тэрарыстычнай арганізацыяй, а дзейнасць руху аказалася пад забаронай.
Егіпецкія суды за кароткі час прысудзілі сотні прыхільнікаў Мурсі да смяротнага пакарання. Праваабаронцы крытыкавалі егіпецкую судовую сістэму і сумняваліся ў справядлівасці прысудаў.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары