Падчас прэс-канферэнцыі для расійскіх СМІ прадстаўнік Чачні спытаўся ў Аляксандра Лукашэнкі пра адносіны Беларусі з гэтым рэгіёнам.
«У нас няма панятку «асоба каўказскай нацыянальнасці», — запэўніў Лукашэнка. — Толькі аднойчы быў выпадак. У мяне старэйшы сын такі чарнамазы. Дык яго спыніў міліцыянер, просіць дакументы праверыць. Думаў, што каўказец. Паглядзеў на пашпарт — прабачце-прабачце».
Інцыдэнт нібыта адбыўся каля Дома ўрада пяць гадоў таму.
Віктар Лукашэнка — старэйшы сын кіраўніка Беларусі, памочнік прэзідэнта па пытаннях бяспекі.
Таксама Лукашэнка расказаў, што ўжо двойчы рыхтаваўся візіт прэзідэнта Чачні Рамзана Кадырава ў Мінску, але абодва разы зрываўся ў апошні момант.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары