У Мінску адкрыўся JYSK — дацкі канкурэнт «Ікеі» ФОТЫ
У Мінску распачала працу крама тавараў для дому JYSK. У гандлёвым цэнтры «Гіпа» (Гарэцкага, 2) памяшканне займае 2300 квадратных метраў, а ў самой краме кліентаў будуць абслугоўваць 30 супрацоўнікаў. Па падліках кампаніі, інвестыцыі ў адкрыццё скандынаўскай сеткі крамаў у Беларусі склалі 1,2 мільёна еўра.
Па словах генеральнага дырэктара ў краінах Балтыі і Беларусі Дацэ Зундурэ, JYSK бачыць патэнцыял у Беларусі як у новым рынку, так і ў новым вытворцы і экспарцёры сваёй прадукцыі. Дарэчы, сетка прысутнічае ў 45 краінах.
Амаль усе тавары разлічаныя на добраўпарадкаванне кватэры. Сантэхнікі, жырандоляў, тавараў для рамонту тут няма. Затое прадаюцца мэбля, ручнікі, дываны, упрыгожванні для дому і дробныя тавары, якія дапамагаюць больш эрганамічна расставіць рэчы ў кватэры.
Большасць тавараў, якія прадаюцца ў JYSK у Беларусі, зробленыя ў Кітаі, Латвіі, Бангладэшы, Індыі, Даніі. Але шмат прадукцыі выраблена і ў Беларусі.
Больш за тое, беларускія тавары будуць прадстаўлены ў 27 крамах у Еўрасаюзе.
***
JYSK — дацкая сетка, якая прапануе тавары ў катэгорыі «ўсё для дома». Першая крама JYSK была створана ў дацкім Орхусе ў 1979 годзе Ларсам Ларэнам.
JYSK — канкурэнт шведскай «Ікеі», якая пакуль што ў Беларусь не прыйшла.
Цяпер чытаюць
Анжаліку Мельнікаву бачылі ў Мінску ў «Дана Моле»43
Каментары