Беларусь правядзе ў студзені поўнамаштабны раўнд перамоў па ўступленні ў Сусветную гандлёвую арганізацыю (СГА). Пра гэта гаворыцца ў апублікаваным 5 студзеня аглядзе вынікаў знешняй палітыкі Беларусі і дзейнасці Міністэрства замежных спраў у 2016 годзе.
«У адпаведнасці з устаноўкамі кіраўніка дзяржавы і ўрада актывізаваны перамоўны працэс па далучэнні Рэспублікі Беларусь да Сусветнай гандлёвай арганізацыі (СГА). Узмоцнены кадравы патэнцыял, сфарміраваная перамоўная дэлегацыя, падрыхтаваныя абноўленыя прапановы па доступе на рынкі тавараў і паслуг», — адзначаецца ў дакуменце.
Падкрэсліваецца, што намаганні Беларусі па актывізацыі перамоўнага працэсу знайшлі падтрымку ў большасці краін — членаў СГА. «Па выніках разгляду пададзеных беларускім бокам дакументаў Сакратарыят СГА падрыхтаваў і распаўсюдзіў у снежні праект дакладу рабочай групы па далучэнні Рэспублікі Беларусь да Арганізацыі, які стане асновай для правядзення ў студзені 2017 года поўнамаштабнага раўнда перамоваў. Распаўсюджванне праекта дакладу сведчыць пра высокую ступень гатоўнасці краіны-кандыдата да заключнай фазы перамоваў у шматбаковым фармаце», — зазначана ў аглядзе Міністэрства замежных спраў.
Як паведамлялася раней, на нарадзе 29 сакавіка 2016 года Аляксандр Лукашэнка даручыў актывізаваць перамоўны працэс па ўступленні Беларусі ў СГА. 6 красавіка прэм'ер-міністр Андрэй Кабякоў падпісаў распараджэнне аб актывізацыі органамі дзяржаўнага кіравання працы па далучэнні Беларусі да Сусветнай гандлёвай арганізацыі. Агульную каардынацыю перамоўнага працэсу ўпаўнаважанае ажыццяўляць МЗС.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары