У Нацбанку расказалі, што цікавасць беларусаў да еўра імкнецца да нуля
Намеснік старшыні праўлення Нацыянальнага банка Андрэй Картун расказаў у эфіры тэлеканала «Беларусь 1», як змяніліся валютныя перавагі беларусаў.
Здымак ілюстрацыйны. Фота: «Наша Ніва»
Паводле слоў Андрэя Картуна, еўра, які раней займаў больш за 20% у структуры беларускіх валютных плацяжоў, цяпер практычна перастаў карыстацца попытам і яго доля імкнецца да нуля.
Зменшылася і цікавасць беларусаў да даляра. Пры гэтым насельніцтва ўсё часцей захоўвае грошы ў беларускіх рублях. Агульны аб’ём дэпазітаў грамадзян перавысіў 25 мільярдаў рублёў, а каля 70% укладаў цяпер намінаваныя ў рублях. Яшчэ некалькі гадоў таму прыкладна палова дэпазітаў была ў далярах.
Андрэй Картун таксама адзначыў, што ўжо трэці год запар беларусы ў цэлым больш прадаюць замежную валюту, чым купляюць.
Каментары
З наяўнымі еўрамі падобных праблем няма. Хіба што пэўныя праблемы могуць узнікаць пры спробах разлікамі 500 еўравымі банкнотамі.