Падаткавікі раяцца з грамадскасцю, як караць прадаўцоў самагону і кантрафактнага алкаголю
Міністэрства па падатках і зборах вынесла на грамадскае абмеркаванне праект зменаў у Адміністратыўны кодэкс.
З прапанаванымі дапаўненнямі можна азнаёміцца на афіцыйным сайце МПЗ. Яны тычацца адміністрацыйных правапарушэнняў пры абароце тытунёвай і алкагольнай прадукцыі.
У прыватнасці, падаткавікі прапануюць канкрэтызаваць адказнасць за продаж кантрафактнага алкаголю, а таксама алкаголю ўласнага вырабу.
Пакуль што за гэта накладаецца штраф у памеры да 10 базавых велічыняў. Аднак калі парушальнік прызнае віну, яму давядзецца заплаціць толькі 0,5 базавай велічыні.
Цяпер жа прапануецца на першы раз штрафаваць на 5—20 базавых велічыняў, а за паўторнае парушэнне — на 10—30 базавых велічыняў.
Як і раней, забароненыя алкагольныя напоі будуць канфіскоўвацца.
Таксама прапануецца ўзмацніць адказнасць за ўвоз у Беларусь кантрафактнага алкаголю.
Заўвагі і прапановы па праекце трэба накіроўваць у міністэрства да 20 студзеня (уключна) на электронны адрас: [email protected] з пазнакай «Абмеркаванне праекта».
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве4
Каментары