Мастак Пётр Паўленскі пакінуў Расію і просіць палітычны прытулак у Францыі. Пра гэта Паўленскі паведаміў у інтэрв'ю ўкраінскаму тэлеканалу «Громадське».
Прытулак у Францыі, па словах Паўленскага, таксама просяць яго паплечніца Аксана Шалыгіна і іх дзеці.
Як паведаміў Паўленскі, у дачыненні да яго і Шалыгінай праводзіцца праверка па артыкуле 132 КК РФ ( «Гвалтоўныя дзеянні сэксуальнага характару»).
У інтэрв'ю тэлеканалу «Дождь» Паўленскі распавёў, што заява на яго і Шалыгіну напісала акторка Театр.doc Анастасія Слоніна. Сам мастак якую-небудзь віну адмаўляе і называе гэтую справу «даносам».
14 снежня, распавёў мастак, яго і Шалыгіну на працягу некалькіх гадзінаў дапытвалі ў Следчым камітэце.
Пасля допыту Паўленскі разам з Шалыгінай і іх двума дзецьмі з'ехаў на аўтамабілі ва Украіну праз Беларусь, а адтуль паляцеў у Францыю.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары