У Расіі кіраўніцы хостэла, у якім жылі выканаўцы тэракта ў «Крокусе», далі тры гады зняволення
Яе абвінавацілі ў тым, што не паведаміла ў МУС аб прыбыцці замежных грамадзян.
Маскоўскі суд прысудзіў да трох гадоў пазбаўлення волі кіраўніцу хостэла, у якім жылі Далерджон Мірзоеў і Мухамадсабір Файзаў. Ёй таксама на два гады забаранілі працаваць у гасцінічным бізнэсе.
Як піша «РІА Навіны», жанчына кіравала апарт-атэлем на першым паверсе маскоўскага пяціпавярховага дома. Яе абвінавацілі ў тым, што яна не паведаміла ў МУС аб прыбыцці замежных грамадзян, якія не мелі дазволу на часовае пражыванне.
Напад на «Крокус Сіці Хол» пад Масквой адбыўся 22 сакавіка 2024 года. Узброеныя нападнікі ўварваліся ў залу перад канцэртам гурта «Пікнік», адкрылі агонь па людзях і падпалілі будынак. У выніку загінуў 151 чалавек, яшчэ адзін лічыцца зніклым без вестак, а больш за 600 атрымалі раненні.
Следства ўстанавіла, што напад арганізавалі члены забароненай у Расіі тэрарыстычнай групоўкі «Вілаят Харасан» разам з саўдзельнікамі. Частка з іх прайшла падрыхтоўку за мяжой, іншыя знаходзіліся на тэрыторыі Расіі і займаліся пошукам зброі, яе пераробкай і дастаўкай. Частку ўзбраення прывезлі спачатку ў дагестанскі Каспійск, а перад нападам — у Маскву.
Прысуд па справе тэракту быў вынесены 12 сакавіка 2026 года. 15 чалавек атрымалі пажыццёвыя тэрміны. Сярод іх не толькі забойцы, але і тыя, хто дапамагаў з грашыма, жыллём і транспартам. Прысуд выклікаў абурэнне ў пацярпелых, якія лічаць яго занадта мяккім праз тэарэтычную магчымасць умоўна-датэрміновага вызвалення ў будучыні. Адвакаты ахвяр нават прапаноўвалі прыпыніць для такіх выпадкаў мараторый на смяротнае пакаранне.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў7
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
-таму што яго збіў аўтобус.