Мінчанцы пазванілі аферысты і сказалі, што яе кватэра прадаецца ў двух розных месцах
Каб яе захаваць, трэба самой як мага хутчэй прадаць жыллё.
Беларуска падзялілася сумнай гісторыяй, паведамляе прэс-служба МУС.
Ёй патэлефанавалі нібыта праваахоўнікі і паведамілі, што яе кватэра двойчы выстаўлена на продаж махлярамі. Каб яе захаваць, трэба самой як мага хутчэй прадаць жыллё.
Падчас сеанса відэасувязі яны выглядалі пераканаўча: у форме і з пасведчаннямі, сядзелі за сталом.
Потым ёй параілі рыэлтарскую фірму, рыэлтар прывяла на наступны дзень пяць чалавек. Адна жанчына пагадзілася купіць кватэру.
Мінчанка прадала кватэру за 49 800 даляраў, а грошы «задэкларавала», перавёўшы на названыя махлярамі падкантрольныя рахункі.
Каментары