У выходныя ў Беларусі будзе мокра. Чакаюцца мокры снег, дождж, туман, галалёд і галалёдзіца. Пра гэта TUT.BY распавёў начальнік службы метэаралагічных прагнозаў Рэспубліканскага цэнтра па гідраметэаралогіі Дзмітрый Рабаў.
21 студзеня, у суботу, умовы надвор'я на тэрыторыі Беларусі будуць вызначаць малаактыўныя атмасферныя франты і вільготная цёплая паветраная маса, якая паступае з Балтыйскага мора. Ноччу і раніцай на значнай частцы тэрыторыі, днём у асобных раёнах прагназуюцца невялікія кароткачасовыя ападкі — мокры снег, дождж. У асобных раёнах туман, галалёд, на дарогах галалёдзіца. Вецер заходні, паўночна-заходні 5-10 м/с, ноччу парывы да 14 м/с. Тэмпература паветра на працягу сутак -3 — +3°С.
У Мінску невялікія кароткачасовыя ападкі - мокры снег, дождж, слабыя туман і галалёд. На асобных участках дарог галалёдзіца. Вецер заходні, паўночна-заходні 5-10 м/с, ноччу парывы да 12 м/с. Тэмпература паветра на працягу сутак -1 — +1°С.
22 студзеня, у нядзелю, большая частка Беларусі апынецца ў полі павышанага атмасфернага ціску. У начныя і ранішнія гадзіны крыху падмарозіць да -1 — -8°С, пры праясненнях па ўсходзе да -12°С; днём -3 — +2°С. У асобных раёнах краіны невялікі снег, мокры снег, слабы туман, галалёд, на дарогах галалёдзіца.
У Мінску магчымы невялікі снег, мокры снег, дождж. Слабыя туман і галалёд. На асобных участках дарог галалёдзіца. Тэмпература паветра ўначы -3 — -5°С, днём каля 0°C.
23 студзеня, надвор'е ў краіне ноччу будзе вызначаць у асноўным вобласць павышанага ціску, днём атмасферны фронт, які змяшчаецца са Скандынаўскага паўвострава. У асобных раёнах краіны пройдуць невялікія ападкі - мокры снег, дождж, туман, слабы галалёд, на дарогах галалёдзіца. Тэмпература паветра мінімальная ноччу 0 — -7°С, максімальная днём -4 — + 1°С.
У Мінску магчымыя невялікія ападкі (мокры снег, дождж). Слабыя туман і галалёд. На асобных участках дарог галалёдзіца. Тэмпература паветра ўначы -3 — -5°С, днём каля 0 — -2°С.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары