У выніку баявых дзеянняў у Данецкай вобласці Украіны перапынена забеспячэнне электраэнергіяй, вадой і цяплом горада Аўдзееўка, падкантрольнага ўкраінскім уладам.
«Горад застаўся без вады, без электрычнасці і без цеплазабеспячэння», — заявіў вечарам 30 студзеня кіраўнік абласной адміністрацыі Павел Жэброўскі.
Па словах Жэброўскага, у выніку абстрэлаў з боку сепаратыстаў была «перабіта апошняя лінія электраперадачы на Аўдзееўку» і абясточана Данецкая фільтравальная станцыя і Аўдзееўскі коксахімічны завод, што забяспечваюць горад вадой і цяплом.
Інфармацыйныя сайты прыхільнікаў самаабвешчанай Данецкай народнай рэспублікі абвінавачваюць украінскіх вайскоўцаў у абстрэлах, якія спынілі працу фільтравальнай станцыі.
Паводле заявы кампаніі «Вада Данбаса», Данецкая фільтравальная станцыя таксама забяспечвае Данецк і Ясінаватую (падкантрольныя сепаратыстам), аднак падачу вады ў гэтыя населеныя пункты ўдалося кампенсаваць з іншых крыніц.
Прэс-служба прэзідэнта Украіны Пятра Парашэнкі ўвечары 30 студзеня паведаміла, што ён перапыніў свой візіт у Германію з-за «надзвычайнай сітуацыі [у Аўдзееўцы], якая мяжуе з гуманітарнай катастрофай».
Як паведаміла 112.ua, са спасылкай на прэс-афіцэра 72-й брыгады, каля 6-й раніцы аўторка сепаратысты выпусцілі па Аўдзееўцы чатыры пакеты «Града».
«Горад гарыць. Ёсць ахвяры сярод мірнага насельніцтва», — сказала прэс-афіцэр.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары