Маленькія лэдзі і джэнтльмены!
Матуля Гуска запрашае вас у госці паслухаць яе песенькі. Іх спяваюць на ўсіх мовах дзеці ва ўсім свеце. А цяпер яны загучаць і па-беларуску.
Разам з вамі мы развучым песні пра старога МакДональда і яго ферму, авечку, зорачку, лодачку і пра сям’ю пальчыкаў.
Усе песні выконваюцца на дзвюх мовах: англійскай і ў перакладзе на беларускую.
А пад якія песні вы любіце засынаць? Ну вядома ж, калыханкі! У межах імпрэзы будзе прэзентацыя часопіса «Буся» з калыханкамі і «Чытанкі для маленькіх — 2» з лялечным спектаклем «Як курачка пеўніка ратавала».
Імпрэза адбудзецца 25 лютага ў 16.00 на сядзібе Таварыства беларускай мовы імя Францішка Скарыны (вул. Румянцава, 13).
Для бацькоў і дзетак (ад 5 гадоў).
Удзел бяруць Арцём Сітнікаў і Святлана Тоўсцік.
Уваход вольны.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары