«Лурку» заблакавалі ў Беларусі па просьбе Нацыянальнай бібліятэкі
На выходных беларускія карыстальнікі заўважылі, што расійская інтэрнэт-«энцыклапедыя» «Луркамор'е» (lurkmore.to) перастала быць даступная. У Міністэрстве інфармацыі ўдакладнілі прычыну блоку.
«Распаўсюджвалася недакладная інфармацыя, плюс прысутнічала нецэнзурная лексіка, забароненая для распаўсюду ў СМІ», — патлумачыў Юрый Бябешка, намеснік начальніка ўпраўлення прававой і кадравай работы Міністэрства інфармацыі.
Міністэрства вынесла рашэнне аб блакаванні па звароце з Нацыянальнай бібліятэкі Беларусі. Згодна з рашэннем ведамства, блакаванні падлягаюць усе старонкі рэсурсу.
Сайт патрапіў у «Пералiк блакаваных інтэрнэт-рэсурсаў», абавязковы да выканання ўсімі пастаўшчыкамі інтэрнэт-паслуг і мабільнымі аператарамі.
* * *
«Луркамор'е» — жартаўлівая нецэнзурная энцыклапедыя, напісаная на жаргоне з інтэрнэт-мемаў.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары