Больш за 10 машын ДАІ са стралянінай ганяліся па начным Мінску за маладзёнамі на BMW
Сёння ноччу ў Мінску экіпажы ДАІ пераследвалі аўтамабіль BMW. Па словах відавочцаў, пагоня пачалася ў Мінску на вуліцы Еўфрасінні Полацкай, далей праз Сухарава выйшла на кальцавую, затым на Партызанскі праспект, далей за горад па магілёўскай шашы. Затым аўтамабіль BMW развярнуўся ў бок горада, зноў заехаў на Партызанскі праспект. Чытач распавядае, што па меры пераследу аўтамабіля да пагоні далучалася ўсё новыя і новыя экіпажы ДАІ. BMW сыходзіў на вялікай хуткасці.
«Дзесьці каля «Беларусі» на Партызанскім праспекце BMW зачапіў адну машыну ДАІ, далей пагоня пайшла па вул. Ванеева, праспекце Ракасоўскага, Трасцянецкай, потым прадоўжылася ў цэнтры горада на вуліцах Леніна, Энгельса, амаль дайшоў да праспекта Незалежнасці, развярнуўся ў бок Серабранкі, і калі BMW павярнуў на вуліцу Смаленскую, тут яго і «падбілі», ён вылецеў на тратуар, і на гэтым усё і скончылася», — распавёў сведка. Ён адзначыў, што ніколі не бачыў, каб столькі экіпажаў пераследавалі адзін аўтамабіль. «Налічыў 14 экіпажаў Два аўтамабілі ДАІ былі памятыя, разбітыя фары, дэфармаваны дзверы», — адзначыў сведка.
Паводле яго слоў, падчас пагоні ДАІ страляла, «адтуліны былі ў крылах, бамперы, у BMW прастрэленыя заднія колы». У салоне знаходзіліся хлопец гадоў 25 і дзяўчына. «За рулём знаходзіўся хлопец, яны быццам бы хацелі памяняцца месцамі, але не паспелі.
Падчас інцыдэнту ніхто, здаецца, не пацярпеў, хлопец з дзяўчынай цэлыя. Іх «спакавалі» і павезлі на агляд. Праўда, чаму ў BMW пабіта лабавое шкло, я не ведаю, мяркуючы па ўсім, гэта вонкавая ўвагнутасць.
Грамадзянскія машыны, здаецца, не зачапілі».
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары