На праспекце Пераможцаў у Мінску Belgee заскочыў на бар'ерную агароджу пад пуцеправодам ВІДЭА
Чытач выдання Onlíner паведаміў пра ДТЗ на сталічным праспекце Пераможцаў, пад пуцеправодам вуліцы Арлоўскай.
У выніку інцыдэнту аўтамабіль Belgee X50+ апынуўся ў нечаканым месцы — на бар'ернай агароджы. З іншага боку ўпрытык да яго стаіць электробус.
Абставіны здарэння пакуль не высветленыя, але можна выказаць здагадку, што Belgee заскочыў на агароджу ў месцы, дзе яна, па сутнасці, пачынаецца і дзе апушчаная да самай зямлі. Там аўтамабіль заскочыў на яе і як па рэйках праслізнуў далей.
Зрэшты, пакуль гэта толькі версія, афіцыйнага пацвярджэння ёй няма. Як няма і разумення таго, у які момант адбылося сутыкненне з электробусам.
Чытач выдання расказаў, што не бачыў на месцы здарэння хуткую дапамогу.
«Людзі пакідалі электробус. Мне здалося — магчыма, я не маю рацыю, — што нейкая колькасць пасажыраў пакідала электробус праз сам Belgee. Можа быць, дзверы заклініла — я не ведаю», — адзначыў сведка здарэння.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
а сёння - вуаля! наш сумесны з кітайцамі Белджы ледзь не ўзляцеў.. але халера - перашкодзіў пуцяправод і эляктробус.. а так пэўна ж узляцеў б....
калі б расеец то каментаваў, то з вялікага магучага хулітурнага наўрад ці б хто што зразумеў