На днях у Макееўцы прэзентавалі дэбютны глянцавы часопіс для жанчын самаабвешчанай народнай рэспублікі пад назвай «Чатыры сезоны».
Вечарыну ў гонар такой падзеі зладзілі пышную: з аркестрам скрыпачак і опернымі спявачкамі. Нягледзячы на тое, што гэта толькі пачатак працы часопіса, усёй рэдкалегіі ўжо ўручылі падзякі ад кіраўніка горада «за патрыятызм і наватарскія ідэі, уклад у развіццё медыяпрасторы рэспублікі».
Набор рубрык у часопісе традыцыйны. На 128 старонках апісваюць здаровае харчаванне, адзенне, выхаванне дзяцей і г. д. Але, як адзначыла рэдактар Наталля Хрусталёва, галоўнае іх адрозненне ад іншага глянцу будзе ў тым, што «каб стаць гераіняй публікацыі, не трэба быць мадэллю, актрысай, жонкай алігарха. У нас гэта зусім неабавязкова. Перш за ўсё трэба быць жанчынай».
Увосень паведамлялася пра стварэнне ў «ДНР» уласных камп'ютарных гульняў, прысвечаных ваенным дзеянням у Данбасе.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары